La fin d’eivna da l’Open Doors haun ils edifizis uras d’avertüra individuelas e sun accessibels gratuitamaing al public traunter las 10 e las 18. Tuots sun invidos da cumbiner lur tura d’edifizis persunela.
I’l menü principel PROGRAM as po filtrer ils edifizis tenor categorias, marker ils favurits e’ls guarder illas differentas preschantaziuns. Ils detagls davart las uras d’avertüra e las guidas i’ls singuls edifizis as chatta tar las indicaziuns dals edifizis illa GALERIA.
Suot ZEITPLAN do que üna stupenda survista sur da tuot las uras d’avertüra e da guidas. Impü as chatta lo eir infurmaziuns davart plazzas libras in cas d’ün oblig da reserver. Suot LISTE as po stamper il program individuel. Chi chi vuless savair inua cha’ls edifizis as rechattan ils po localiser sülla KARTE.
Il program generel culs Open Doors-SPECIALS chattast CÒ.
Il program stampo da l’Open Doors as po retrer tar Sils Tourist Information u tar Turissem Silvaplauna. Chi chi vuless stamper il program a chesa il chatta CÒ.
Bun divertimaint cun architectura impreschiunanta ed inscunters animants.
planiser la tura
Als dis da l’Open Doors cumbina minchün svess sia tura d’edifizis. Zieva la REGISTRAZIUN poust marker Tieus edifizis preferieus cun üna staila sülla survista u süllas singulas paginas dals edifizis. In seguit poust consulter Tia glista da preferenza suot MEINE AUSWAHL (punct da menü PLANISER, visibel survart a dretta). La soluziun ideela dimena per chi chi vuless preparer la tura a chesa e naviger pü tard sül lö cul smartphone.
Persunas registredas clappan aunz e düraunt ils dis da l’Open Doors infurmaziuns davart plazzas libras, guidas supplementeras e müdamaints a cuorta vista. Las datas persunelas da contact vegnan druvedas exclusivmaing per infurmaziuns in connex cull’occurrenza Open Doors Engiadina (guarda eir: declaraziuns davart la protecziun da datas).
Il viedi tals edifizis organisescha minchün svess. Per faciliter la tschercha da las adressas exista üna colliaziun directa cun Google-Maps. Nus arcumandains da fer adöver dals mezs da transport publics. Culs seguaints uraris online chattast svelt la megldra colliaziun: POSTAUTO u SBB
guidas
Tscherts edifizis as po visiter individuelmaing. In bgers edifizis vegnan però spüertas guidas gratuitas tres ils ütiliseders da l’edifizi, voluntaris u experts scu architectas, istorikers d’art u rapreschantantas da la Chüra da monumaints. Las visitas haun lö cuntinuedamaing u dad uras fixas. Ellas düran per regla 30 fin max. 60 minuts. Detagls specifics davart las guidas as chatta süllas PAGINAS D’EDIFIZIS correspundentas.
reservaziuns
Tar singuls edifizis voul que üna reservaziun. In quels es la quantited da visitaduors limiteda per motivs d’organisaziun. Las reservaziuns as po fer circa duos eivnas ouravaunt a maun d’ün link süllas paginas d’edifizis correspundentas. Il link dvainta activ zieva Tia REGISTRAZIUN resp. mincha vouta cha Tü T’ANNUNZCHAST cun Tieu pled da clev.
Zieva avair fat la reservaziun, survainst üna conferma per e-mail. In cas cha Tü nu’T poust parteciper a cuorta vista, schi fo il bain da storner Tia reservaziun – ün’otra persuna s’allegra da la plazza dvanteda libra! Fo que directamaing in Tieu profil illa rubrica «mias reservaziuns» u in cas d’urgenza per e-mail a nus: office@opendoors-engadin.org – grazcha fich per Tia collavuraziun chi güda ad occuper pü bgeras plazzas libras pussibel.