Be insembel cun noss collavuratuors voluntaris – sajan que students u pensiunedas, chesarinas u chesarins, independents u persunas in tschercha da lavur – es que pussibel per la societed «Open Doors Engadin – Architektur für alle» d’avrir chesas remarchablas e da spordscher in quellas guidas gratuitas.

T’interessa l’architectura e füssast pront*a da sustgnair per ün pêr uras l’Open Doors Engiadina? Que’T spetta ün evenimaint unic cun bels inscunters e nouvas experienzas.

Natürelmaing druvainsa sustegn eir düraunt l’an. Chi chi ho interess e vuless contribuir qualchosa, es invido cordielmaing da fer quetaunt.

Dvainta commember da nossa famiglia Open Doors ed annunzcha’T tar nus:
office@opendoors-engadin.org ubain +41 79 222 14 18

Nus ans allegrains da pudair organiser cun Te duos dis inschmanchabels!

che voul que dir d’esser voluntari?

• La fin d’eivna da l’Open Doors lavuran ils voluntaris sül lö tals differents edifizis. Lur lezcha principela es d’artschaiver ils visitaduors e d’infurmer davart il program u davart l’edifizi.
• Ils ingaschamaints as concentreschan sün ün mez di, uschè cha resta temp avuonda dad ir svess a guarder oters edifizis. Suvenz sun duos voluntaris a listess temp sül lö. S’inclegia cha pudains resgurarder giavüschs.
• Scu ingrazchamaint per Tieu ingaschamaint T’invidains nus a la saira d’avertüra da l’Open Doors: Nus festagiains insembel cun noss partenaris, nossas promoturas e’ls giasts invidos e giodains üna saireda intera la cultura da fabricher. La saira d’avertüra es in venderdi ils 23 gün 2023 al Forum Paracelsus a San Murezzan.