Per las dumandas las pü frequaintas chattast cò üna resposta. Per tuot las ulteriuras dumandas At poust gugent annunzcher tar: office@opendoors-engadin.org
cu planisesch eau mia tura persunela per l’open doors?
Tieu smartphone es la megldra guida: via la pagina d’internet da l’Open Doors rivast dal sgür tar mincha lö d’occurrenza. Aunz cu fixer la ruta definitiva atscherta’T però da las uras d’avertüra dals singuls edifizis e da che uras cha las guidas haun lö.
Bun da savair: La funcziun da filter at güda per tia planisaziun optimela. Cul filter poust chatter ils edifizis tenor uras d’avertüra, adressa ed otras categorias.
Natürelmaing sto a disposiziun eir ün program stampo da l’Open Doors. Quel chattast düraunt la fin d’eivna tar mincha edifizi. A partir da la mited gün poust eir retrer il program tar Sils Tourist Information u tar Turissem Silvaplauna.
stögl eau pajer qualchosa?
Na, l’occurrenza es gratuita per tuots. Natürelmaing cha nus ans allegrains, scha l’Open Doors Engiadina At plescha. Scha Tü’ns vulessast pussibilter la prosma realisaziun, poust simplamaing dvanter fautur .
cu riv eau tar mieus edifizis preferieus?
Il viedi tals edifizis organisescha minchün svess. Per river pü facilmaing tals edifizis preferieus as chatta sün mincha pagina d’edifizi ün link tar Google Maps. Quel At maina al böt. Nus arcumandains d’ütiliser ils mezs da transport publics.
perche am dess eau registrer?
Per pudair marker ils edifizis preferieus cun ün simbol da favorit e per pudair fer eventuelas reservaziuns, At stust registrer cò . Zieva la registraziun At poust annunzcher cun Tieu login. Sün Tieu profil vezzast alura tuot Tieus favurits incl. visualisaziun sülla charta geografica, e que sün tuot Tieus apparats. Sur Tieu account poust eir reserver termins da visita e nus At tramettains per e-mail infurmaziuns da «last minute» davart plazzas da visita libras, guidas ed occurrenzas.
es l’open doors adatto per iffaunts?
Iffaunts sun cordielmaing bainvgnieus insembel cun lur genituors! Edifizis cun activiteds specielas u inua cha que ho plazzas da giuver, sun marcos cun ün simbol correspundent.
cu poss eau propuoner ün edifizi interessant?
Nus pigliains gugent incunter propostas. Scriva’ns simplamaing ün e-mail a: office@opendoors-engadin.org
do que ün post da contact düraunt l’open dors engiadina?
Nos team, nossas expertas e noss voluntaris sun natürelmaing preschaints düraunt l’occurrenza e daun gugent infurmaziuns tals edifizis. Per tuot las ulteriuras dumandas essans ragiundschibels al telefon u per e-mail. Nos contact chattast cò .
S’inclegia cha eir ils collavuratuors e las collavuraturas tar Sils Tourist Information u tar Turissem Silvaplauna respuondan gugent a Tias dumandas. A partir da la mited gün poust lo eir retrer il program stampo.
inua poss eau publicher mias fotografias?
L’Open Doors es ün’occasiun grandiusa per fotografer.
Nus ans allegrains da tuot ils purtrets chi vegnan partieus cun nus. Publichescha Tieus purtrets e commentars in nos chanel da Facebook u Instagram u metta tiers tas publicaziuns sün social media il tag #ode2023. Natürelmaing ans poust eir simplamaing trametter ils purtrets e nus ils publichains.
cu as finanziescha l’open doors engiadina?
L’occurrenza vain organiseda da la societed independenta Open Doors Engadin – Architektur für alle. Per pudair realiser l’occurrenza es quist’organisaziun sainza böt da profit dependenta da contribuziuns da posts da promoziun publics, fundaziuns privatas e da sponsuors e fautuors. Eir las dunaziuns da fautuors e fauturas privat*as sun üna part importanta per pudair garantir la realisaziun da l’occurrenza.
Bun da savair: La societed Open Doors Engadin – Architektur für alle es arcuntschida scu organisaziun d’ütil public e delibereda da las impostas. Contribuziuns da fautur e donaziuns as po dimena dedür da las impostas.
Pussibilteds per sustgnair l’Open Doors Engiadina chattast cò .